2020, ഡിസംബർ 29, ചൊവ്വാഴ്ച

K.P. ബാലചന്ദ്രന്റെ വിയോഗം

 ചില വ്യക്തികളുണ്ട് . അവർ അവരുടെ സൃഷ്ടികളിൽ മാത്രം ഏർപ്പെട്ടുകൊണ്ട് - ശലഭ സുഷുപ്തി എന്നൊക്കെ അലങ്കാരികഭാഷയിൽ പറയാവുന്നത് -  അധികം ഒച്ചപ്പാടുകളില്ലാതെ വ്യാപാരിച്ചുകൊണ്ടിരിക്കും. അവരെ നിങ്ങൾ സാഹിത്യ സദസ്സുകളിൽ കാണില്ല , Limelightഅവർക്കു വിഷയമേ അല്ല. അത്തരം ഒരു വ്യക്തിയുടെ മരണവാർത്ത  ഇന്നത്തെ മാതൃഭൂമി പത്രത്തിൽ കണ്ടതാണ് ഈ കുറിപ്പിനാധാരം. കോവിഡ് മഹാമാരിയിൽ മറ്റൊരു പ്രതിഭയുടെ നഷ്ടം കൂടി -  വിവർത്തകൻ കെ.പി.  ബാലചന്ദ്രൻ.  . മാധ്യമം പത്രത്തിന്റെ തലക്കെട്ട് കടമെടുത്താൽ "ഗൂഗിളിലും പേരില്ലാത്ത പ്രശസ്തൻ".

104 ഗ്രന്ഥങ്ങളാണ് വിവർത്തനം ചെയ്തിട്ടുള്ളത്. ഭാര്യ Dr ശാന്തയുമൊത്ത് തൃശൂർ കിഴക്കേ കോട്ടയിൽ ആയിരുന്നു താമസം - 1939 തൃശ്ശൂരിലെ മണലൂരിൽ ജനനം.  വിവർത്തനം ചെയ്ത കൃതികളിൽ പ്രധാനപ്പെട്ടവ - ഷെർലക് ഹോംസ് സമ്പൂർണ്ണ കൃതികൾ. മുഗൾ ഭരണം എട്ടു വാള്യങ്ങൾ, ദില്ലി സുൽത്താനേറ്റ് ഭരണം മൂന്നു വാള്യങ്ങൾ, ടിപ്പുവിന്റെ ചരിത്രം രണ്ടു വാള്യങ്ങൾ, വിഷാദ വിവരങ്ങൾ -   https://www.madhyamam.com/kerala/unnamed-celebrity-on-google-writing-should-be-known-not-the-writer-687542.

https://www.mathrubhumi.com/books/news/writer-kp-balachandran-passed-away-1.5315694

വ്യാസഭാരതം മലയാളത്തിലേക്ക് പരിഭാഷപ്പെടുത്തിയ വിദ്വാൻ കെ. പ്രകാശം ആണ് പിതാവ് . ഈയവസരത്തിൽ വിദ്വാൻ കെ പ്രകാശത്തെയും ഒന്ന് സ്മരിക്കേണ്ടതുണ്ട്.. കാരണം ശബ്ദമുഖരിതമായ ഈ കാലത്ത് തന്റെ ഇഷ്ടങ്ങളിൽ അത്യന്തം പാഷൻ കൊണ്ട് മാത്രം ജോലി ചെയ്തു നിശബ്ദ വിപ്ലവം നടത്തുന്നവരും ഈ ലോകത്തുണ്ട് എന്ന ഓർമ്മപ്പെടുത്തലുകളാണിവർ. ഒരുപക്ഷെ ശ്രീ K.P.ബാലചന്ദ്രനിൽ ഈ സ്വഭാവം പിതാവിൽനിന്നും കൈമാറിയതാകാം .  18 പർവ്വങ്ങളിലായി 1,25,000 ശ്ലോകങ്ങളുള്ള ഇതിഹാസം മഹാഭാരതം സംസ്കൃതത്തിൽ നിന്ന് മലയാളത്തിലേക്ക് പദാനുപദ പരിഭാഷ നടത്തിയ പ്രതിഭ കൊടുങ്ങല്ലൂർ കുഞ്ഞിക്കുട്ടൻ തമ്പുരാന്റേതിൽ നിന്ന് വ്യത്യസ്തമായി, വിദ്വാൻ കെ പ്രകാശം ചെയ്തത് ഒരു ഗദ്യ തർജ്ജമയായിരുന്നു . വിദ്വാൻ കെ പ്രകാശം - കൂടുതൽ വിവരങ്ങൾക്ക് - 'അഞ്ചുവിളക്ക് '- സി എ കൃഷ്ണൻ (പേജ് 137), പ്രസാധകർ - ഗ്രീൻ ബുക്‌സ്- https://greenbooksindia.com/c-a-krishnan/Anchuvilakku

2020, സെപ്റ്റംബർ 2, ബുധനാഴ്‌ച

രാത്രി

 "പൂക്കൾ അതിന്റെ വിരിയലിനെ 

നാളേയ്ക്കു മാറ്റിവച്ചേനെ 

രാത്രിയിൽ കവിതയില്ലായിരുന്നെങ്കിൽ "  - വീരാൻകുട്ടി 


2020, ഓഗസ്റ്റ് 25, ചൊവ്വാഴ്ച

കാത്തിരിപ്പ്

കൂട്ടുകാരൊക്കെ പരീക്ഷ പാസ്സായിട്ടും ഒറ്റ പേപ്പർ 'സപ്പ്ളി ' വന്നോണ്ട്,  എവിടെയാണോ അവിടെ തന്നെ കിടക്കേണ്ടി വന്ന 'പതിനാറാമന്റെ' അവസ്ഥ. ടണലിനപ്പുറത്തെ അണയാത്ത ആ വെളിച്ചമെന്ന പ്രതീക്ഷയിലാണവനും ചുറ്റുമുള്ള  ഈ ലോകവും!

(കോവിഡ് 19 വ്യാപനത്താൽ കഴിഞ്ഞയാഴ്ച -18th to 23rd August 2020- അടാട്ട് പഞ്ചായത്ത്  മുഴുവനായും കണ്ടൈൻമെൻറ് സോൺ ആയിരുന്നു . ഈ ആഴ്ചയിൽ പല വാർഡുകളെയും ഒഴിവാക്കി, പതിനാറാം വാർഡ്  ഇപ്പോഴും  കണ്ടൈൻമെൻറ് സോൺ  ആയി തുടരുന്നു)

2020, ഓഗസ്റ്റ് 17, തിങ്കളാഴ്‌ച

"പൂട്ടൽ കാല" ദൃശ്യങ്ങൾ

കാമ്പുള്ളൊരു മെറ്റാഫിക്ഷനു  വേണ്ടി കളമൊരുക്കിയിട്ടിരിക്കുന്ന നിലം .. വിളനിലത്തെ ആര് വന്നു ഉഴുതുമറിച്ചു വിളവെടുപ്പു നടത്തും ?  


"ചീഞ്ഞളിഞ്ഞ പാഴ് നിലത്തു നിന്നാൽ ഇപ്പോഴും കേൾക്കാം നിർത്താതെയുള്ള ചാവു മണിയുടെ മുഴക്കം" എന്ന പി എഫ് മാത്യൂസിന്റെ വരികൾ(ചാവുനിലം) എവിടെയോ അലയടിക്കുന്ന പോലെ ..


ഹുവാൻ റൂൾഫോയുടെ പ്രേതഭൂമിയായ 'കൊമാലയെ' കണ്മുന്നിൽ അല്ലെങ്കിൽ  ഭാവനയിൽ കൊണ്ടുവരാൻ, മറവിയുടെ ഭണ്ടാരത്തിൽ നിന്നും  മൂടിവച്ച വന്യഭാവനകളെ കത്തിക്കാൻ ഒരുക്കിവച്ച ഫ്രെയിം 


2020, ഓഗസ്റ്റ് 13, വ്യാഴാഴ്‌ച

പിന്നിട്ട വഴിയിലെ കണ്ടു മുട്ടിയ മുഖങ്ങൾ -1- ഉയിരിൻ കഥയാട്ടം

"ചിരിയോ ചിരി പുഞ്ചിരി തഞ്ചിടുന്ന വിളയാട്ടം ..

ഉലകാകെയൊരോട്ടം ഉയിരിൻ കഥയാട്ടം

മരയോന്തുകണക്കുടലൊന്നുമാറി വഴിയോടീ

അതിരമ്പുഴ ചാടീ അറിയാക്കര തേടീ"

പലർക്കും പലവിധമുള്ള എതിരഭിപ്രായങ്ങളുള്ള ഒരു സിനിമയായിട്ടാണ്  2016-ൽ  ഇറങ്ങിയ  'ആക്ഷന്‍ ഹീറോ ബിജു ' എന്നാണ്  അറിയാൻ കഴിഞ്ഞിരിക്കുന്നത് . സിനിമയിലെ വംശീയാധിക്ഷേപങ്ങളോടുള്ള എതിർപ്പും, പൊളിറ്റിക്കൽ  കറക്ട്നെസ്സിനെ  കുറിച്ചുള്ള ഓരോരുടെ  കാഴ്ചപ്പാടനുസരിച്ചുള്ള വിലയിരുത്തലുകളോടും, അത്തരം കാഴ്ചപ്പാടുകളോടുള്ള ബഹുമാനത്തോടെ തന്നെ പറയട്ടെ, സിനിമ എന്ന മാധ്യമത്തിന്റെ 'ക്രാഫ്റ്റ് ' എന്ന രീതിയിലും  അവതരണരീതിയിലെ പുതുമ കൊണ്ടും ഇഷ്ടപ്പെട്ട ഒരു സിനിമ തന്നെയായിട്ടാണ് എനിക്ക്  ബിജു അനുഭവപ്പെട്ടത്.  ഇറങ്ങിയ സമയത്തും ഈ 'കുടിയിരിപ്പ്'  കാലത്തും രണ്ടു മൂന്നു തവണ കണ്ടു കാണും.  

പറയാൻ പോകുന്ന വിഷയത്തിന് ഈ സിനിമയുമായി കാര്യമായ ബന്ധമൊന്നുമില്ല , പിന്നെയെന്തിനിത്  എഴുന്നള്ളിച്ചു എന്ന് ചോദിച്ചാൽ എവിടെയോ എന്തോ ഈ സിനിമയുടെ ആഖ്യാന രീതിയോട് ഈ കാലത്തിനു മറ്റൊരു രീതിയിൽ എന്തോ പറയാനുള്ളതായി തോന്നിയിട്ടുണ്ട്. ആഖ്യാന രീതിയിൽ സ്വീകരിച്ചിരിക്കുന്ന Common Rhythm ഓട്ടമാണ് .  ഛായാഗ്രാഹകൻ ക്യാമറ എടുത്തുകൊണ്ടു ഓടി ചിത്രീകരിച്ചതാണെന്നും തോന്നും. അത് പറയാൻ ഉദ്ദേശിച്ച വിഷയത്തോടും ചേർന്ന് നിൽക്കുന്നതായി അനുഭവപ്പെട്ടിട്ടുണ്ട് ..

അങ്ങിനെ 'ഉലകാകെയുള്ള ഓട്ടത്തിലെ  ഉയിരിന് കഥയാട്ടം' ഒരു സഡൻ  ബ്രേക്കിട്ടു നിൽക്കുമ്പോഴുള്ള ഇടവേളകാലത്തെ ഒരു  സിനിമയായി ഉപമിച്ചാൽ  ഈ കാലം ഒരു ഇടവേള  തന്നെയാലോ.. അങ്ങിനെയുള്ള ഈ ഇടവേള പലർക്കും തിരിഞ്ഞു നോട്ടങ്ങളിലേക്കും, " പിന്നിട്ട വഴിയിലെ കണ്ടു മുട്ടിയ മുഖങ്ങളിലേക്കുമുള്ള" ഒരു ഇടവേള കാലം .. 

(ഈ പ്രയോഗത്തിന് കടപ്പാട് ഈ പോസ്റ്റിന്റെ ഉടമയും ഉർവ്വശി തീയെറ്റഴ്‌സിന്റെ  പ്രധാന നടനുമായ എന്നോട് തന്നെ .. പൊടി പിടിച്ചു കിടക്കുന്ന ഈ യു ട്യൂബ് ലിങ്കിൽ -https://www.youtube.com/watch?v=gUPZ1JdOcKk      സെൽഫ് പ്രൊമോഷൻ തന്നെ )

ഇനിയുള്ള ഫോട്ടോ പോസ്റ്റുകൾ അത്തരം വഴികളിലൂടെ ആകാം എന്ന ഒരു ചിന്തയോടെ ഈ സീരിസിലെ കന്നി പോസ്റ്റ് ഇവിടെ എറിഞ്ഞുടക്കുന്നു ..

കുറൂർ പാറ :

വൈകുന്നേരങ്ങളിലെ ചർച്ചകൾ, അവ അമേരിക്കയുടെ GATT  താല്പര്യങ്ങൾ മുതൽ അഞ്ചു തെങ്ങിലെ പുതിയ  ബണ്ടിന്റെ ഉറപ്പിനെപറ്റി വരെ.  അന്ന് കൂട്ടായി അന്നത്തെ  'തങ്കപ്പനും പൊന്നപ്പനുമായിരുന്ന' ഒ സി ആർ , ഓ എം ആർ  കുലജാതർ .. ഒരൽപം കൂടെ അഹങ്കാരമായാൽ അവർക്കിടയിലെ തംബ്രാനായ Gilbeys .. 

EIA2020 യെ പറ്റിയുള്ള ചൂടുള്ള ചർച്ചകൾ നടക്കുമ്പോൾ ഇത്തരം പൊതു ഇടങ്ങൾ , മനുഷ്യ മനസ്സിന്റെ പൊതു ഇടങ്ങൾ  എത്ര കാലം എന്ന ചോദ്യം അപ്പുറത്തും .. അടാട്ട് കുന്ന്  മുഴുവൻ പുഴക്കൽ പാടത്തു മലർന്നടിച്ചു കിടക്കുമ്പോഴും അവശേഷിക്കുന്ന മറ്റൊരു പ്രതീക്ഷ , കേരളമെന്ന ഇടതുപക്ഷ മനസ്സിനെ ഇത്തരം വിഷയങ്ങളെ ചൂടുള്ള ചർച്ചകളാക്കി തന്നെ നില നിർത്താൻ പറ്റൂ എന്നും പ്രതികരണത്തിന്റെ ഒറ്റ തുരുത്തായി എന്നും ഈ കൊച്ചു കുഞ്ഞി 'ERIN BROCKOVICH' ആയി നമ്മുടെ നാടും പാറയും  ഉണ്ടാകും എന്ന പ്രതീക്ഷയും. 

അതെ ...

ഉയിരിൻ കഥയാട്ടം ഉയിരിൻ കഥയാട്ടം

ഉയിരിൻ കഥയാട്ടം ഉയിരിൻ കഥയാട്ടം

ഉയിരിൻ കഥയാട്ടം ഉയിരിൻ കഥയാട്ടം

(ഈ പാട്ടിന്റെ സംഗീത സംവിധായകനായ  ജെറി അമല്ദേവിന്റെ ഒരു ഇന്റർവ്യൂ  ഈയടുത്തു കണ്ടപ്പോൾ ഈ സിനിമ അങ്ങേർക്കും ഒരു 20 + വർഷത്തിന് ശേഷമുള്ള തിരിച്ചു വരവ് കൂടെ ആയിരുന്നെന്ന് അറിഞ്ഞു )

REFERENCES 

1. Article by Maya Pramod on Action Hero Biju-  (Reference articles by intellectuals like Maya Pramod- https://www.newsdogapp.com/ml/article/5ed7d2a70dab52185101bf85/?d=false

2. ERIN BROCKOVICH- https://en.wikipedia.org/wiki/Erin_Brockovich

3. News article on Kerala's stand against EIA 2020 notification- https://timesofindia.indiatimes.com/india/cant-agree-to-many-recommendations-of-eia-draft-notification-2020-kerala/articleshow/77489932.cms


2020, ജൂൺ 10, ബുധനാഴ്‌ച

വിരാടം

വിഷയം സോഷ്യൽ സയൻസ്. ഹോം വർക്ക് monuments  കളെ പറ്റി 

അശോകൻ , bhudhist ലൊക്കേഷൻ , സാഞ്ചി സ്തൂപ , താജ് മഹൽ , ഷാജഹാൻ ഒക്കെയായി ക്ലാസ്സു പുരോഗമിച്ചു. അതിന്റെ രണ്ടാം ഭാഗമായ ഗൃഹപാഠം ആണ് കഥാ പരിസരം 

മീനാക്ഷി temple ആരാ ഉണ്ടാക്കിയത് ?

ഉ : അശോക ചക്രവർത്തി 

മുരണ്ടമർന്ന മാതാശ്രീ :അപ്പൊ സാഞ്ചി സ്തൂപ ?

ഉ : അശോക ചക്രവർത്തി 

അപ്പോ താജ് മഹൽ  ?

ഉ : (നിസ്സംശയം ) അശോക ചക്രവർത്തി 

(ദൈന്യത കലർന്ന ഒരലർച്ചയുടെ പാരമ്യത്തിൽ ) - അശോക ചക്രവർത്തി അപ്പൊ അന്നത്തെ പേരുകേട്ട വാർക്ക പണിക്കാരനായിരുന്നുലെ മോനെ ?

അത്യോ  ?
(വിരാടം:രണ്ടാമൂഴത്തിൽ വിരാടരാജന്റെ സേനാപതിയായ കീചകനെ ഭീമൻ ദ്രൗപദിയുടെ നിർദ്ദേശപ്രകാരം വധിക്കുന്നു. പിന്നെ എല്ലാം ശാന്തം )

2020, മേയ് 3, ഞായറാഴ്‌ച

ഒരു ലോക് ഡൗൺ അപാരത

അങ്ങനെ ഒരു കുത്തിയിരിപ്പുകാലം.

അപ്പുറത്തെ ടറസ്സിൻ്റെ മൂലയിൽ ഏകാകിയായ് ഒരു അഞ്ചാം നമ്പർ പന്ത് (ഇപ്പൊ ഫുഡ്ബോളിന് നമ്പറുകൾ ഉണ്ടോ എന്നറിയില്ല, പക്ഷേ ഒരു കാലത്ത് മൂന്നാം നമ്പർ, അഞ്ചാം നമ്പർ എന്നൊക്കെ കേട്ടിരുന്നു). ഓർമക്രമം കീഴ്മേൽ മറഞ്ഞപ്പോൾ രേഖ (മെമ്മറിലേൻ) ഫാസ്റ്റ് റിവേഴ്സിസിൽ നേരെ ചെന്നു തട്ടി നിന്നത് തൊണ്ണൂറുകളുടെ ഒരു (ചായകുടി കഴിഞ്ഞ) വൈകുന്നേരത്ത്. അതായത് വീട്ടിൽ പോയി വേഷം മാറി വന്നാൽ വോളിബോളിൽ  സ്ഥാനം പോകുമെന്ന 'നിലനിൽപ്പീയ' പ്രശ്നം ഉള്ളതിനാൽ, കാക്കി യൂണിഫോമിനുള്ളിൽ കളിക്കാനുള ട്രൗസറിട്ട് പോയി വൈകുന്നേരം 'സൺവിൻ സ്റ്റോർ കോർണറിൽ' വണ്ടിയിറങ്ങി നേരെ കോർട്ടിൽ ക്രാഷ് ലാൻ്റ് ചെയ്തിരുന്ന കാലം എന്നും വ്യാഖ്യാനം. (ബീവറേജസ് മൊത്തം അടവായ ലോക് ഡൗൺ കാലത്തും എങ്ങിനെ ഒപ്പിച്ചെടുക്കുന്നു എന്നിങ്ങനെയുള്ള കുത്തിതിരുപ്പുകളേ,  ''കടക്ക് പുറത്ത്'' ന്ന് 😀)

ഒരു ലോക്ഡൗൺ അപാരത:


മണി നാലരയായി. നെറ്റ് കെട്ടാൻ നേരായില്യേ. ശെന്തായീ ചെക്കന് ഇങ്ങനെ ഉത്തരവാദിത്യമില്യാണ്ടായാ. ശ്രീകുമാറെ ആ ബോളിങ്ങ് എടുക്കടോ.


എന്താ രാമ, ഇങ്ങനെ വൈക്യാ മൂന്ന് ഗെയ്മ്  കളിക്കാൻ പറ്റ്വോ? നിങ്ങക്കൊക്കെ പറഞ്ഞ സമയത്ത് കോർട്ടി വന്നാ എന്താ കൊഴപ്പം.

ഏയ് ചൂടാവല്ലെ ഡോ. ഹേയ്, കാറ്റ് കൊറവാലോ ശ്രീകു. ഇന്നലെ അടിച്ചതല്ലേ.

അയ്ന് ഞാനാ കാറ്റ് കളഞ്ഞെ?

അതല്ല ബോൾ താ, നേരം പോയ്

Mr,ബോംബ്, രഥം ബാബ്വേട്ടൻ്റെ സൈക്കിൾ കടയിലേക്ക് പോട്ടെ.

ഹാ. ഒരിത്തിരി കൂട്ടിയടിച്ചോ, ബാക്ക് നിക്കാ സ്ഥിരം മറ്റോ --നാ, സ്ഥിരം കളി തൊടങ്ങാൻ നേരം നേരെ 'മേനോനായി' വന്ന് നിക്കും. കോർട്ട് വരക്കാനുല്യ, നെറ്റ് കെട്ടാനുല്യ. സാരഥിയേട്ടൻ്റെ ഒരോ സ്മാഷിനും അവൻ്റെ കൈ തറമ്പണം. ഹൗ, പമ്പ് എത്ര അടിച്ചട്ടും കാറ്റ് കേറ്ണില്ലലോ. 'ജവാൻ', 'ജോഹർ' സഹോദരങ്ങൾ ഇല്യാത്തേൻ്റ കൊറവാ. ഇനിപ്പോ സൂചി പഞ്ചറാ?

നീയടിച്ചേ, മണി അഞ്ചായി. ആ ശശ്യേട്ടൻ ഇപ്പൊ കാറ് സൈഡാക്കിണ്ടാകും. തെറി തൊടങ്ങ്യാ പിന്നെ മഹാ മോശാ.

വോളി കോർട്ടിലെത്തുമ്പോ മുന്നെ കൂട്ടി സ്ഥാനം പിടിച്ച് ഫ്രൻ്റ് സെൻററായി വടക്കുംനാഥൻ ചന്ദ്രശേഖരൻ, വലത്കുട്ടൻകുളങ്ങര രാമദാസ്, ഇടത് മംഗലാംകുന്ന് ഗണപതി, ബാക്ക് സെൻ്റർ തെച്ചിക്കോട്ട്കാവ്, സെർവ് കോങ്ങാട് കുട്ടിശങ്കരൻ. ബാക്ക് കോർണർ കാലി. ഈരാറ്റുപേട്ട അയ്യപ്പൻ കാണിയായും- മദപ്പാട് കാലായോണ്ട് ഡോക്ടർ റെസ്റ്റ് പറഞ്ഞേക്കാത്രേ.

വടക്കുംനാഥൻ ചന്ദ്രശേഖരൻ തെക്ക്ന്ന് വരുണോള്ളോ. അപ്പൊ ഒരു സീറ്റും പോയ  മട്ടാ

ഒളരിക്കര കാളിദാസൻ അഞ്ചരക്ക്  നാലാം കാലത്തിലേ എങ്ങൂ. കാലിൻ്റെ കൊഴ തെറ്റിരിക്യാ.

നന്തിലത് അർജ്ജുനന് പണി ഇന്ന് ദൂര്യാ, എത്താൻ വൈകും. അപ്പോൾ മി.സന്തോഷ് ആദ്യ ഗെയ്മിൽ ക്രമപട്ടിക പ്രകാരം ഞാൻ ഇറങ്ങുക, രണ്ടാമത്തേതിൽ നിങ്ങൾ. വരൂ കോർട്ട് വരക്കാം. ആ കശുമാവിൻ്റെ കൊമ്പ് ചാഞ്ഞ് നിക്കണോടത്തക്ക് കേറ്റി വരക്കണ്ട ട്ടാ. പൂവ് മൊത്തം കൊഴിയും, കശുവണ്ടി ലേലം ഇക്കൊല്ലം മമളല്ലേ. ആ കാശോണ്ട് നെറ്റ് മാറ്റാനുള്ളതാ.

അപ്പുറത്തെ ടറസ്സിൽ പന്തിനുടമ എട്ടു വയസ്സൻ പയ്യൻസും വെയ്റ്റിങ്ങ് ഫോർ വിസിൽ. ബാക്കിയൊക്കെ  വായനക്കാരന് പൂരിപ്പിക്കാൻ....



2020, മാർച്ച് 16, തിങ്കളാഴ്‌ച

ശ്വാസമെടുക്കുന്നതും

ശ്വാസമെടുക്കുന്നതും എന്തൊരു ശീലമാ
ജീവിച്ചു പോകുന്നതും എന്തൊരു കഥയാടോ?

നേരിയനക്കം പോലുമില്ല ശരീരത്തിലെവിടെയും
കൺകളിലൊരു ഛായ പോലും

വിറങ്ങലിച്ച കാലുകൾ നടന്നു കൊണ്ടേയിരിക്കുന്നു
ഈയൊരു യാത്ര ഒഴുകിക്കൊണ്ടേയിരിക്കുന്നു
എത്ര വർഷങ്ങളായ്, എത്ര നൂറ്റാണ്ടുകളായ്
ജീവിച്ചു പോകുന്നു, ജീവിച്ചു പോകുന്നു

ഈ ശീലങ്ങളും വിചിത്രം തന്നെ കേട്ടോ....

(ഗുൽസാറിൻ്റെ 'NAZM സ്വതന്ത്ര വിവർത്തനം)
https://youtu.be/hJb0EC53dHc

सांस लेना भी कैसी आदत है
जीये जाना भी क्या रवायत है
कोई आहट नहीं बदन में कहीं
कोई साया नहीं है आँखों में
पांव बेहिस हैं, चलते जाते हैं
इक सफ़र में जो बहता रहता है
कितने बरसों से कितनी सदियों से
जीये जाते हैं जीये जाते हैं


आदतें भी अजीब होती हैं…

2020, മാർച്ച് 9, തിങ്കളാഴ്‌ച

ഓർമ്മയുണ്ടോ?


"ഓർമ്മയുണ്ടോ,
ഒരൂസം എന്റെ മെസ്സിൽ വന്ന് സിഗരറ്റിന്  പെട്ടിയിൽ 
ചെറിയ ഒരു ചെടിയുടെ ചിത്രം വരച്ചത്?
വന്ന് നോക്ക്
 ചെടിയിൽ ഒരു പൂ വിടർന്നിട്ടുണ്ട് !!"
- Gulzar's 'Nazm' -

Not able to read?

This Blog is in Malayalam. Click below logo and download the Font to your Fonts folder. Click here for Malayalam Fonts

എന്നെക്കുറിച്ച്

എന്റെ ഫോട്ടോ
Pune/ Adat, Maharashtra/Thrissur, India
Anginey prathyekichu parayaanonnumilla.

ബ്ലോഗ് ആര്‍ക്കൈവ്